लुम्फुङ्वा चेलीमाईती वचत कोषको पहिलो अधिवेशन तथा तेश्रो साधारणसभा २०८२ माघ १४ गते (२८ जनवरी, २०२५) धरान स्थित चुम्लुङ हिममा सम्पन्न भयो ।

कोष सञ्चालक समितिको अध्यक्ष लक्ष्मीनारायण लुम्फुङ्वाको सभापतित्वमा सम्पन्न साधारणसभा तथा अधिवेशनको प्रमुख अतिथी लुम्फुङ्वा कल्याणकारी संस्थाको अध्यक्ष कमल कुमार लुम्फुङ्वा, विशिष्ट अतिथी संस्थाको पूर्व अध्यक्षहरु ले.नरबहादुर लुम्फुङ्वा, पूर्ण बहादुर लुम्फुङ्वा र अतिथीहरु संस्थाको सल्लाहकारहरु नरप्रसाद लुम्फुङ्वा, राज बहादुर (कुमार) लुम्फुङ्वा, संस्थाको उपाध्यक्ष होम बहादुर लुम्फुङ्वा, कोषाध्यक्ष उत्तम लुम्फुङ्वा रहेका थिए ।

अध्यक्ष लक्ष्मीनारायण लुम्फुङ्वाले आर्थिक प्रतिवेदन प्रस्तुत गर्दै लुम्फुङ्वा चेलीमाईती वचत कोष तीन वर्ष पुरा भएर चार वर्ष लागेको र यो तीन वर्षमा १३३ जनाले २४ लाख ५१ हजार ६८१ वचत गरेको र यस अवधीमा ७९ जना कोषबाट लाभान्वित भएको र हाल बैंकमा ६ लाख ४५ हजार ८ सय मौज्दात रहेको बताए । उनले यस अवधीमा ३० लाख ३५ हजार रकम ‘टर्नओभर’ भएको पनि बताए ।

उनले प्रतिवेदनमा आगामी वर्षदेखि तीन वर्ष वचत गर्ने सदश्यले एकजनाको जमानीमा ४० हजार, दुई वर्ष वचत गर्नेले दुईजनाको जमानीमा ३५ हजार र एक वर्ष वचत गर्नेले दुईजनाको जमानीमा २५ हजार कर्जा प्रवाह हुने योजना प्रस्तुत गरे ।

वचत रकम १ करोड पुगेपछि सहकारीको स्वरुप दिने योजना भएको छलफल भएको थियो ।

अधिवेशनबाट आगामी तीन वर्ष (२०८२–२०८५÷२०२६–२०२८) को लागि कमल कुमार लुम्फुङ्वा, पूर्ण बहादुर लुम्फुङ्वा र नरप्रसाद लुम्फुङ्वा रहेको निर्वाचन समितिले ९ सदश्यीय कोष सञ्चालक समितिमा अध्यक्ष लक्ष्मीनारायण लुम्फुङ्वा, उपाध्यक्ष चन्द्र बहादुर लुम्फुङ्वा (उर्लाबारी, मंलबारे), सचिव सुन्दर लुम्फुङ्वा, कोषाध्यक्ष होम बहादुर लुम्फुङ्वा र सदश्यहरुमा कुमार (हर्क) लुम्फुङ्वा, हरी लुम्फुङ्वा, भिमादेवी लुम्फुङ्वा, देवराज लुम्फुङ्वा र कौशिला लुम्फुङ्वालाई निर्विरोध निर्वाचित गरेको छ ।

नवनिर्वाचित कोष सञ्चालक समितिलाई लुम्फुङ्वा कल्याणकारी संस्था केन्द्रिय समिति धरान हार्दिक बधाई एवम् शुभकामना ज्ञापन गर्दछ ।